Sakshi Sunil Jadhav
नुकतंच UIDAI ( Unique Identification Authority of India )ने लहान मुलांच्या ब्लू आधार कार्डासंदर्भात महत्वाचे बदल केले आहेत.
तुम्ही जर 5 वर्षांखालील मुलांचं आधार कार्ड बनवणार असाल तर बायोमेट्रिक ऑथेंटिकेशन अनिवार्य करण्यात आलं आहे. तसेच काही नवीन कागदपत्रांनाही वैध मान्यता देण्यात आली आहे.
चाइल्ड केअर इन्सिट्यूशनमध्ये राहणाऱ्या मुलांसाठी डिस्टिक्ट चाइल्ड प्रोटेक्शन ऑफिसरने दिलेलं सर्टिफिकेट आता वैध कागदपत्र म्हणून स्वीकारलं जाईल.
OCI कार्डधारकांसाठी आता आधार नोंदणीच्या वेळी वैध परदेशी पासपोर्ट आणि OCI कार्ड दाखवणं महत्वाचं आहे.
मुलाचे आधार कार्ड बनवताना आता आई किंवा वडिलांपैकी एकाचं बायोमेट्रिक ऑथेंटिकेशन करणं महत्वाचं ठरेल.
मुलांच्या आधार कार्डासाठी आई-वडिलांकडे किंवा कायदेशीर पालकांकडे वैध आधार कार्ड असणं महत्वाचं असेल.
5 वर्षांखालील मुलांचं आधार कार्ड आता Head of Family (HoF) पद्धतीनुसार असेल.
मुलांच्या आधार कार्डासाठी जन्मतारखेचा आणि कुटुंबाशी असलेल्या नात्याचा पुरावा सादर करणं अनिवार्य ठरेल. तसेच लहान मुलांचे फिंगरप्रिंट घेतले जाणार नाहीत.